10:59, 11 Sentyabr 2018 (Çərşənbə axşamı) 322

Bəzi rayonlarda 5 gün qaz olmayacaq

Bəzi rayonlarda 5 gün qaz olmayacaq
Azərbaycanın bəzi rayonlarının qazla təminatında 5 gün müddətində problemlərin olacağı bildirilir.

Bu haqda «Azəriqaz» İstehsalat Birliyinin (İB) məlumatında qeyd edilir.

Məlumata görə, problem «Qaz İxrac» İdarəsinin balansında olan yeni çəkilmiş «Qazıməmməd-Qazax» (I xətt) magistral qaz xəttinin 182-210 km-lər arası hissəsində birləşdirilmə işlərinin aparılması ilə bağlıdır.

Birləşdirilmə işlərinin həyata keçiriləcəyi tarixlərdə (sentyabrın 11-15-də ) Bərdə, Tərtər, Ağdam, Füzuli, Beyləqan, Ağcabədi rayonlarının qaz təchizatı dayandırılacağı gözlənir.

Yevlax rayonunun isə, rayon mərkəzi də daxil olmaqla, bir hissəsində təbii qazın verilişində fasilələr yaranmalıdır.